Gistigjöld
í Páluhúsi

Eftirfarandi gjaldskrá tók gildi 11. júlí 2015 og er hún í gildi þar til annað verður ákveðið.
Fjárhæðir eru fyrir gistingu eina nótt fyrir hvern einstakling.
Eigendur hússins greiða fast mánaðargjald og þeir og makar þeirra greiða því ekki gistigjald.
Ekki er greitt gistigjald fyrir börn og unglinga yngri en 18 ára.
Ekki er greitt gistigjald þegar um skipulagðar vinnuhelgar/vinnudaga er að ræða.
Afkomendur eigenda og makar þeirra greiða hálft gjald (500 kr. og 250 kr.)

1. Gestir sem gista í húsinu 1.000 kr.
2. Gestir sem gista á lóðinni (í tjaldi, hjólhýsi oþh.) 500 kr.

Greitt skal í peningum í rauðan sparibauk sem er á eldhúshillunni. Þeir gestir sem ekki eru með laust fé og komast ekki í hraðbankann á staðnum mega, sem undantekningu, greiða inn á reikning hússins nr. 310 13 79 kt. 190347-7299.
Vinsamlega færið nöfn allra gesta og dvalartímabil í gestaskrá hússins (svarta bókin).
Ef eitthvað er óljóst hafið þá samband við gjaldkera hússins sem er:
Anna Pála Þorsteinsdóttir, Fornósi 3, Sauðárkróki, í síma 453 5463 eða 863 6447.

Sofið var í öllum herbergjum þessa helgi. Haldið áfram að spartla og kítta svolítið. Helga kláraði að mála hurðarkarmana. Kristján kláraði rafmagnið. Sett upp nokkur ljós. Lóðin slegin.
Fín helgi, en þungbúið samt á laugardeginum.

Núna um helgina var unnið á fullu. Það sem var gert var: innihurðir settar í og karmarnir málaðir, parkettið sett á gólfin, gólflistar settir á sinn stað, sömuleiðis loftlistar, ofnar málaðir, gluggar málaðir. Svo varð Guðni eftir til að taka til, sópa, ryksjúga, og strjúka yfir gólfin.
Þeir sem gátu mætt voru: Pétur á verkfærabílnum, Halli, Kobbi, Gunni, Gestur og Guðni. Síðast en ekki síst var Rósa á staðnum til að gefa vinnumönnunum að borða, Hún fékk smá aðstoð við það frá Önnu Pálu og Sóley á laugardagskvöldinu og Gunni skaffaði rauðvínið með steikinni.

Því miður veiktist rafvirkinn en Steini og Helga komu samt og máluðu loftið að mestu. Gaui ætlar svo í vikunni að klára það sem ekki var hægt að klára um helgina, þannig að loftið verði búið fyrir næstu helgi, þegar flokkur manna stefnir í Páluhúsið til að vinna.

Um síðustu helgi voru Palli og Dröfn og Pála og Halli að mála panilinn seinni umferðina. Gaui spartlaði og grunnaði loftið. Steini stefnir svo á að mæta um mánaðarmótin næstu með Kristján rafvirkja og klára að setja upp rofa og tengla. Helgina þar á eftir er svo stefnt á stórátak og nánast klára dæmið.